合興(潮州)大排檔

营业中

休息中

早两日揾位住大兴嘅老友聚聚，例牌又嚟合兴， 麻甩佬嚟呢度饮啤酒讲嘢大大声加几句粗口系同呢度嘅环境气氛好配合嘅。 加上啲店员都好街坊feel又随和，唔似何福堂果间好似唔休做咁，所以我偏向嚟呢度。因为果日几热下，所以无叫我至爱嘅乌江鱼窝打边炉。 就叫咗条大眼鸡，蒸鳝，鼓椒炒蚬，同卤水鹅片。 海鲜类嘅嘢可以自己去睇，睇啱叫佢煮，食咗N次都无失拖。 冷档条大眼鸡都ok, 呢度卤水嘢就普通，垫底个卤水豆腐就好好食。啲嘢唔贵，叫咗4,5支大啤，570蚊。