有蒸氣 海鮮石鍋專門店 (已結業)

有蒸气 系一间私隐度好高的餐厅，执餐厅位置都揾左阵，但原来就在诺士佛台酒店对面小巷里面。餐厅原来有好多明星光临，周围都照上明星到临的照片，星气十足。餐厅经openrice book位，单点菜式有折扣，但一场黎到，冇理由唔食餐厅主打套餐。价钱大众化，$300几蚊起，已经有海鲜套餐，想食不同款，又有牛肉/蒸虾/蟹，选择多元化。第一次黎，就试左有蒸气石锅龙虾海鲜餐，$538位，有半只龙虾、日本元贝、纽西兰蛏子、虫草花鲍鱼，仲有淮山杞子蒸新鲜鸡，海斑片，手打四宝丸及梅菜蒸菜。龙虾大大只，肉身又弹口。元贝配干蒜蒸，味道突出。蛏子配粉丝，食唔停口。鲍鱼又够爽口。干瑶柱粥底，配埋西芹等配料，香味飘逸，一试难忘。数唔完的菜式，总体食物质素新鲜好味，而且分量令人饱足，好抵食。