有蒸氣 海鮮石鍋專門店 (已結業)

蒸气火锅喺香港都兴左好耐，不过食嘅机会一直都唔多，今晚朋友话想食，最后我哋拣咗喺op都好多好评嘅有蒸气。入到铺头，就见到幅贴左好多明星相既墙，睇嚟店家同娱乐圈都有返一定交情。上一层就系食嘢嘅地方，望落去每个位置都好宽敞同埋干净，坐落亦都好舒适。第一次黎，我地拣左最基本既套餐，$328有6款海鲜、2款丸、同一款菜，好抵食喔！一开始，侍应叫我地拣咗要粥底定汤底先，佢都好多选择同配搭，最后我哋拣咗南瓜鸡件粥底，之后侍应就放左d材料系煲底，跟住上面加个盖就开始食我地既主菜 — 蒸海鲜 啦。沙包蚬、海中虾d蚬唔算好大只，但一食落口就食到海水既盐味，好鲜。至于海中虾，比想像中大只好多，食落啖啖肉，好味。鲍鱼鲍鱼上面加咗啲虫草花来蒸，鲍鱼咬落去好弹牙，亦都好鲜味，而虫草花更加为鲍鱼加添左啲层次。元贝元贝上面加咗啲粉丝同辣椒蓉去蒸，元贝本身就好鲜味，加上𠮶两种配料，成个口感同味道都配合得好出色。桶蚝呢只桶蚝唔讲得少，真系好大只，加上蒸既时间啱啱好，做落好juice。另外，套餐入面既鲜鱿、猪肉丸、墨鱼丸同埋胜瓜都好好食，食完咁多野，最后仲可以食埋充满住海鲜鲜味嘅南瓜粥，真系食到捧住个肚走。