林洪記

营业中

休息中

成日都好想去街市楼上打边炉，见到个价钱又唔算好贵而且又有得任饮汽水，重点系都见到几多人食，所以都想来试吓！呢度系主打食海鲜，而且每一个都好新鲜，款式都好多！唔想食海鲜嘅话，都可以选择食鸡煲之后打边炉！但钟意食海鲜嘅我，就梗系拣海鲜啦！ 个海鲜拼盘一上到黎真系吓亲我！超多种类而且每一款都好新鲜，好大只！净系讲个鲍鱼先已经活生生咁，我都系第一次见咁生猛嘅鲍鱼！龙虾都见到有好多膏，而且都系即开俾你，方便啲食！蒸起上嚟，肉质都好弹牙，而且蒸完之后，龙虾嘅味都锁住晒喺肉质入面！除此之外，仲有其他款式嘅海鲜，带子、蚬等等，食得唔够喉嘅仲可以加钱继续食！呢度嘅蚝，亦都系任食，而且唔会系好腥个种，每次嗌嘅份量都俾得好多、好足！蒸完海鲜之后，仲可以打埋边炉，除咗可以任食肥牛之外，亦都有唔同嘅丸类同菜选择，鱼皮真系好好食，好脆身，而且每一块都好大块！