真味鮮廚 (已結業)

今次一班中学旧同学8个人去到观塘亚太中心真味鲜厨，品尝蒸气石锅，刚刚好叫个8人  $2288《蒸气石锅全包餐》包左加一及茶介。个餐都好多野食，包括有：每人半只龙虾仔、半只走地鸡、一条两斤重的沙巴龙趸、8只鲜鲍鱼、1碟安格斯牛肉、白蚬、刀贝、猪肉丸、手打虾丸、胜瓜、淮山、百合、蕃薯等，还有瑶柱咸排骨粥底。饮品就有两渣竹蔗水。听说之前晚晚都坐满人，仲要等位先食到，不过琴晚就坐左一半客人左右，未知系咪因为咁，海鲜去得唔够快，8只鲜鲍鱼中，有两只坏了，服务员都好心帮我地换过两只。如果大家光顾记得留意，免得肚子痛。讲番其他食物，整体都算不错的。食蒸气石锅最惊煮唔熟，煮得熟又惊海鲜太过熟唔好食。酒楼都好贴心，有张纸教你边样煮几多分钟，食完都证实到张纸无老点既，不过如果大家惊既，都可以加多1-2分钟既，不过过熟就唔好话我。海鲜方面，龙虾都好新鲜，开左边放落个锅到都仲识喐。沙巴龙趸每人都分到唔少肉，白蚬刀贝够鲜甜。肉方面：安格斯牛肉，就咁睇都知唔差，猪肉丸、手打虾丸食落都唔错，鸡就一般。胜瓜、淮山、百合、蕃薯，各样都不过不失。瑶柱咸排骨粥底，估唔到睇落好似得少少，原来整出黎都够8个人食，个粥吸收晒全晚