潮福蒸氣石鍋 (已結業)

今天屋企人都有节目，妈子唔想煮饭，拉住我过黎大埔潮福蒸气石锅食蒸野，妈子话得两条友过黎食返餐好过自己系屋企落手落脚煮喔，两个人点左好多海鲜，尽管放开肚皮食餐劲既。我地问过大堂经理知道边D系最好味既，听距介绍点左蒸虫草鸡、蒸大元贝及鲍鱼、蒸龙虾、蒸生猛海中虾。虫草鸡唔需要多介绍喇，每次黎到必点，鸡肉够嫩滑虫草花够爽口，搭配一齐食简直无得弹。大元贝同埋鲍鱼一齐蒸悭时悭力，大元贝肯定系搭粉丝蒜蓉最好食喇，鲍鱼用虫草花黎蒸味道都唔错，前者爽口Q弹蒜香味十足，后都爽甜韧韧地有嚼头。蒸龙虾都食过好几次，每次食都可以保持新鲜生猛，实在难得，蒸出来之后肉质饱满鲜甜，妈子都大赞食得过瘾。龙虾小贵唔舍得点太多，不过海中虾就唔怕食喇，口感虽然唔似龙虾甘好食，不过胜在够抵够新鲜，肉质都好鲜爽弹牙。妈子话以后得返我地就过黎开小灶喔，哈哈！