名門壹號

营业中

休息中

今日唔知同屋企人去边度饮茶，屋企人突然间话去呢度饮，全部住新界嘅人走出嚟九龙饮茶为咗咩呢，原因系呢度二揾位易啲㖞。星期日都怀疑揾位，感觉有啲伏。入到去，环境都算宽敞，楼底亦都好高，所以就算多人都唔觉得佢会好嘈吵。开左左壶香片几好饮有回甘。见到张点心纸，下午茶再加埋特价点心都有好多选择，比起出边一般下午茶嘅下单纸多三份二嘅选择，简直系心心眼。蒸嘢嚟讲新鲜热辣份量亦好足。几钟意佢个鸡丝份卷，而家出面唔系好多酒楼有得食，同埋呢d馅料，好多时候都喺厨房长期摆放会有机会变坏，但系呢度就唔会。里便啲西芹粒重好爽脆。虾饺亦都相当大粒爽口。药膳猪手都好淋滑，试左个汁有药材香但无味，呢个就解释唔到。不过个鸭脚柚皮就有啲失望，块植皮处理得唔好，仲有苦涩味。平时都好少食炸嘢，但屋企人钟意食，就叫咗一啲来试，皮薄馅多，最重要系唔会炸到油淋淋，平时好少叫炸嘢，因为出边好多时候都炸到又黑又满口油。呢度嘅韭菜饺系超惊喜，𠮶边系脆㗎。而蚬蚧鲮鱼球亦都好弹牙。另外叫咗个福建炒饭，里面有啲鲍鱼BB，并唔系鲍汁。$60都唔使真系冇投诉。唯独个艇仔粥较失望，冇乜料同埋个粥底比较稀。其实食到都差唔多饱，最后都系忍唔住食埋个烧腩