海港酒家

营业中

休息中

今日放假同三个老人家饮茶！不过今日就有一个不愉快嘅经历！首先，我觉得系Reception 个位女士无咩礼貌，可以系张台面上打开张 顾客记录表，我去政府部门填写登记表都唔会咁做！就算要对资料都系拎埋自己睇到嘅位置！呢样野要改善下！同埋佢从来冇讲过冷气坏咗！有啲焗，入到去无冷气，焗到老人家流晒汗，点好意思啊？好在经理识做！free 左茶位同我哋道歉！侍应观察能力都有好大改善嘅空间！唔好要个客大声叫你先比到反应来！咁好影响个气氛，同埋大家都唔好受！嘢食方面，就普普通通！卖相就真系欠佳！食物嘅味精都颇多！烧卖就系足料，但系比较林啤啤！排骨就有啲偏咸，食得出系多味精！蛋散就系比较好嘅表现！够脆！猪肚就不过不失，但系个质素就差咗少少，烂烂地，个口感唔系太好受，有改善空间！汤底都系似系味精汤！都系需要改善！至于肠粉就，又系卖相唔好而影响个口感，同埋有啲油！整体来讲真系好普通！服务方面，除咗经理系可以之外，其他都有好大改善空间！