潮福蒸氣石鍋 (已結業)

潮福绝对系我食过嘅海鲜大餐入面味道最原汁原味嘎！！~因为实在太好味啦！！！ Nena好早之前就已经book好位啦，夜晚六点钟左右，间店就已经开始好多人啦，好彩提前book好位，唔系真系有排等....入到大堂，见到每张台上边都放咗一顶大草帽！！！上边蒸气腾腾，所以对呢度海鲜餐嘅食法特别感兴趣。~~ 睇完餐牌，原嚟有分唔同时间段就会有唔同价位><等我地点好晒嘢食啦，就可以坐系个位到等食啦！！！啲waiter会将我地点嘅嘢送上嚟，然后用米粥嘅蒸气将啲海鲜食材一样样蒸熟。 调味料任拣，你想要乜味自己拿就得啦，好free嘅~~有XO酱、辣椒酱、蒜茸酱等等..... 食海鲜嘅时候觉得唔够味可以加少少落去。扇贝又大只，又肥，周围仲有粉丝包住，肉质好爽口，加少少沙茶酱味道会更加好！！ 西洋菜汤，汤嘅火候啱啱好，西洋菜好淋好好味！！！汤嘅味道好鲜甜~~~ 龙虾真系好抵食，龙虾肉唔单只大只，而且味道仲好正添，肉质肥美，仲可以食到虾膏添 圣子同埋贝壳类，放啲蒜茸落去一齐蒸，蒸熟咗之后口感有好香嘅蒜蓉味，鲜得嚟又有味~~！正吖