影片
更多
2018-03-20
382 浏览
今晚澳门返香港，同三个朋友一行四人喺附近揾食，唔想打边炉，又想食中菜，朋友就提议凰城，唔贵又有多小菜拣。不过嚟到就俾蒸气锅吸引左，我始终都比较钟意食海鲜，就试佢地嘅4人海鲜餐，有5层海鲜塔。龙虾一只，落镬时已经砌件，时间更易控制，每样食物其实都有提醒我地蒸嘅时间，可惜我们4位净系识食嘅，当然系无留意时间，好彩靓姐帮我地睇住，所以龙虾唔会过熟。龙虾唔算大只，四个人每人三至四件左右，不过质素唔错，食得出新鲜。贵妃蚌，我最爱，只要新鲜，就一定好食。今次蒜蓉粉丝蒸，粉丝吸引了贵妃蚌的鲜甜，一人一只，觉得唔够喉。粉丝带子，带子厚肉，粉丝有点太干，如果有上汤配一配就更好。龙趸肉，肥厚皮滑，蒸嘅时间刚刚好，服务员靓姐好尽责帮我地开盖上碟，确保肉质嫩滑。蚬虽然唔大只，不过无沙，点辣椒豉油就好好味。惊唔够食，所以另加了虾丸墨丸，人手打，够弹牙。虾丸似足百花酿蟹钳，诚意之作。最后，日月精华都去晒个粥底，系好鲜味，可惜太饱，真系食到两啖咋。
不过嚟到就俾蒸气锅吸引左，我始终都比较钟意食海鲜，就试佢地嘅4人海鲜餐，有5层海鲜塔。
龙虾一只，落镬时已经砌件，时间更易控制，每样食物其实都有提醒我地蒸嘅时间，可惜我们4位净系识食嘅，当然系无留意时间，好彩靓姐帮我地睇住，所以龙虾唔会过熟。龙虾唔算大只，四个人每人三至四件左右，不过质素唔错，食得出新鲜。
贵妃蚌，我最爱，只要新鲜，就一定好食。今次蒜蓉粉丝蒸，粉丝吸引了贵妃蚌的鲜甜，一人一只，觉得唔够喉。
粉丝带子，带子厚肉，粉丝有点太干，如果有上汤配一配就更好。
龙趸肉，肥厚皮滑，蒸嘅时间刚刚好，服务员靓姐好尽责帮我地开盖上碟，确保肉质嫩滑。
蚬虽然唔大只，不过无沙，点辣椒豉油就好好味。
惊唔够食，所以另加了虾丸墨丸，人手打，够弹牙。虾丸似足百花酿蟹钳，诚意之作。
最后，日月精华都去晒个粥底，系好鲜味，可惜太饱，真系食到两啖咋。
张贴
