龍德樓 (已結業)

呢间舖头嘅煲仔饭其实系蒸的煲仔饭，故没有饭焦，更显健康。『腊味駌鸯肠饭』啲材料好多，睇图无花无假，有2条腊肠，2条润肠，2大条菜心同埋好多好多腊肉，啲米粒粒分明，而孖肠及腊味的油香渗入其中，好食到停唔多口。『虾干排骨饭』同样也是材料多多，虾干大大只够鲜甜，排骨腌得好入味，同样好味。『西芹炒带子』，估唔到嘅系带子的覆盖面唔少于西芹，事关喺第二度食，一定系西芹多过带子，而且带子亦好大粒同埋好鲜甜，非常之满意佢的量和质。『蒜蓉粉丝鲜鱿』同样当然没有令人失望。『杏汁菜胆炖白肺汤』跟餐只需28蚊就可饮到，杏汁，白肺好配搭令到个汤好浓郁，非常之好饮，因此不作他选，两人都拣咗呢个汤。