天聚源 (已結業)

今日屯门朋友同我地去食好西，去到蓝地。蓝地感觉上系一个偏僻既地方，点知朋友介绍既蒸气火锅店，质素可以拍得住岀面，价钱又平岀面一大截。我地揸车黎，兜去餐厅后面，有得免费泊车。店员话只要喺餐厅消费，有几多架车都可以免费泊，啱哂一大班Friend 一齐去食。餐厅有分室内同室外，室外就有feel啲 ，凉凉地。不过都唔怕，因为餐厅超贴心，有暖炉冻都唔怕！今日试咗炭炉烧，同铁板烧，都几有趣。炭炉烧系烧牛肉同牛舌。牛肉好正，除咗有牛味，仲要有少少炭炉味，认真唔错！牛舌好大块，厚度适中，咬落好有口感！见有朋友，顺手仲试埋啤酒添。我地叫咗小麦啤酒、几大杯，超级抵饮。小麦啤好好味，麦味好香，酒味淡淡地，唔会好苦好浓。连平日少饮啤酒既我都饮咗大半杯。烧完炭炉，就烧铁板烧。烧猪仔骨、茄子、粟米，都几有风味。店内仲提供烧汁添！重点系坐室外，唔会烧到成身味最令我满意。