Oui Oui Bistro (已結業)

付出努力坚持梦想未必会成功，但努力不懈一定系成功必要元素，只要一日唔放弃，每坚持多一分钟就会多一个成功机会。开业2年嘅Oui Oui Bistro位于长沙湾 ，由法国蓝带大厨主理，一直坚持制作正宗法国菜，保留法国菜精致同用心，以大众化价钱呈献精致法国菜肴比大家。 原来法文Oui Oui意思解作「系，系」，呢一句系大厨喺法国学厨嘅1年半入面应主厨成日讲嘅，店主刻意用佢嚟做餐厅名，有深厚嘅意思。餐厅以黑色皮梳化配木台，墙上挂有店主搜罗返嚟嘅碟做装饰，装潢简单而不失型格。呢度嘅Egg Benedict系佛罗伦斯做法制成，真系够晒特别！自家制嘅蛋黄酱入面有菠菜同蛋，味道好清新。平时食开多数都会配松饼，但系呢个制法系配多士，入口感觉柔软，渗出阵阵蛋香。系呢度嘅招牌Cabonara，意大利烟肉味道好香浓，酱汁混和咗忌廉、芝士同柠檬。食果阵再将蛋刺穿，入口非常滑溜，感觉香馥丰厚。摆住大大只波士顿龙虾。意大利饭仲用咗龙虾头制成汤汁再煮饭，粒粒米饭都吸收晒浓郁龙虾汁！想食呢个龙虾，仲可以拣配意大利饭或者扁意粉添！