影片
更多
2017-09-10
1420 浏览
※本文以用餐当日的环境、服务和食物质素为准，口味亦因人而异，文章只作参考之用。-最近系网上见到有款以海洋为主题的窝夫甜品 卖相确实十分精致可爱，原来系出自青衣城这间新开的The Story Cafe and Bakery。这间Cafe原来同属东海集团旗下，青衣城以大集团连锁店居多，有多间Cafe叹下咖啡食下轻食都唔错。餐厅装潢得几靓，以蓝色既海洋做主题，感觉悠闲！餐厅环境几阔落。仲有蛋糕、松饼和牛角酥等供应。餐牌上款式唔算多，有小食，午餐，下午茶同晚餐供应，反而甜品同饮品款式较多，价钱合理。Like Facebook专页或Follow IG+上载相片后，可享全单9折优惠啊!跟餐面包和是晚餐汤（南瓜汤），南瓜味薄弱到无咁滞，唔知仲以为饮紧茶餐厅既白汤，有待改善。粉红玫瑰（草莓玫瑰牛奶）$35估唔到冻饮都可以做到渐层效果，另外仲有绿色同蓝色架，睇相几靓，不过实物只色无睇相咁突出，但都唔差，面头仲有几片玫瑰花瓣做点缀。饮落草莓味虽然唔系好鲜果个只，不过都仲可以，加埋阵阵既玫瑰味，整体都唔错。南极 （青柠梳打沙冰）$45望到都透心凉既南极沙冰，饮落系偏酸既青柠梳打，好解暑啊！黑松露薯条 $48
-
最近系网上见到有款以海洋为主题的窝夫甜品 卖相确实十分精致可爱，原来系出自青衣城这间新开的The Story Cafe and Bakery。这间Cafe原来同属东海集团旗下，青衣城以大集团连锁店居多，有多间Cafe叹下咖啡食下轻食都唔错。
餐厅装潢得几靓，以蓝色既海洋做主题，感觉悠闲！餐厅环境几阔落。仲有蛋糕、松饼和牛角酥等供应。
餐牌上款式唔算多，有小食，午餐，下午茶同晚餐供应，反而甜品同饮品款式较多，价钱合理。
Like Facebook专页或Follow IG+上载相片后，可享全单9折优惠啊!
是晚餐汤（南瓜汤）
23 浏览
0 赞好
0 留言
跟餐面包和是晚餐汤（南瓜汤），南瓜味薄弱到无咁滞，唔知仲以为饮紧茶餐厅既白汤，有待改善。
粉红玫瑰（草莓玫瑰牛奶）
$35
19 浏览
0 赞好
0 留言
粉红玫瑰（草莓玫瑰牛奶）$35
估唔到冻饮都可以做到渐层效果，另外仲有绿色同蓝色架，睇相几靓，不过实物只色无睇相咁突出，但都唔差，面头仲有几片玫瑰花瓣做点缀。饮落草莓味虽然唔系好鲜果个只，不过都仲可以，加埋阵阵既玫瑰味，整体都唔错。
南极 （青柠梳打沙冰）
$45
27 浏览
0 赞好
0 留言
南极 （青柠梳打沙冰）$45
望到都透心凉既南极沙冰，饮落系偏酸既青柠梳打，好解暑啊！
黑松露薯条
$48
9 浏览
0 赞好
0 留言
黑松露薯条 $48
小妹觉得佢地跟汉堡包既粗薯条好食，但散叫既系幼薯条黎，炸得唔够热同脆，不过个松露酱系好食的。
车打芝士烟肉流心蛋牛肉汉堡配薯条
$118
24 浏览
0 赞好
0 留言
车打芝士烟肉流心蛋牛肉汉堡配薯条 $118
个汉堡好大个，两块蓝色面包混入左天然既蓝蝶花，里面夹左紫洋葱、菜、烟肉、芝士，流心蛋和牛肉汉堡等，仲配埋粗薯条（好食过散叫既幼薯条），好丰富。
味道都相当唔错，对半切开仲会见到流心蛋流心。主角牛肉食落富肉汁唔干又有肉味，仲有煎过既烟肉多左层咸香味，仲放左酸酸咪咪既紫洋葱平衡左腻既感觉，就系芝士味唔太够，不过食完真系大满足！
鸭胸伴焦糖烤甘荀配蜂蜜橙酒汁
$128
16 浏览
0 赞好
0 留言
鸭胸伴焦糖烤甘荀配蜂蜜橙酒汁 $128
个主菜卖相又系充满色彩，一碟有八块煎过的鸭胸，上面淋左蜂蜜橙酒汁，食落有阵阵橙香架，又有蜂蜜既甜甜地，配鸭胸又几好食！
另外侧边配杂菜都整得几好食，有焦糖烤过的甘荀、薯仔条、食落带点甘涩的椰菜仔、烟肉等一齐炒香，够晒惹味！比配饭或意粉更吸引，食落无咁饱，女士岩岩好，男士可能会唔够食。
粉红芭菲 跟餐+$18
15 浏览
0 赞好
0 留言
粉红芭菲 跟餐+$18 （原价$68）
跟餐加$18咁抵梗系要试下，但原来咁岩个日雪柜有问题，无雪糕供应，店员话会转做吉士或放多少少水果，小妹觉得可以。黎到个芭菲真系几大杯，睇到系由忌廉、草莓片围边、粟米片同士多啤梨味沙冰砌成。不过味道真心一般，因为除左忌廉、粟米片同果肉有佢原本既味道外，底下既冰系完全无味，有色却淡如水，真可惜。
张贴
