Baan Phadthai (已結業)

坑口新开左间食泰国菜既餐厅,想试新野既我,约左朋友过来食😍蓝色既门口设计好抢眼,店内摆放左D植物同藤做既灯罩和屏风等, 营造出度假既氛围,加上座位阔落,感觉好舒服!无骨海南鸡饭鸡肉好嫩滑唔鞋口,加上无骨,真系啖啖肉,有3种酱汁可以点,豉油比较结身,味道浓郁,姜蓉磨得好幼细,好香姜蓉味,同埋自家制泰式辣酱,辣辣地好惹味,无论点边款酱汁都咁好食,而油饭好香,食落唔会有油腻感,饭粒粒分明好好食!另外仲有冬瓜汤,有D冬瓜粒,个汤饮落好清甜!烧猪颈肉炒金边粉猪颈肉烧得岩岩好,食到好香炭烧味,食落好爽口,份量仲好多,而金边粉就炒得好干身,唔会好油腻,味道甜甜地,烟烟韧韧几好食,仲有芽菜,鸡蛋,豆腐,洋葱,菜脯粒,再捞埋花生碎,辣椒粉同挤少少青柠汁,一齐食好惹味炸虾饼虾饼胀卜卜,炸到金黄色热辣辣,咬落好香脆,虾肉好弹牙,加埋酸辣酱食好好味芒果糯米饭芒果份量好多仲好甜,糯米饭烟烟韧韧,加埋斑兰味特别好食,仲加左D脆米粒,再加椰汁食,好味又有口感!椰青椰青水多到就快满泻,饮落好清甜,仲可以挖椰子肉食,椰子肉好易挖,食左好多好饱!