蓮花健康素食

营业中

休息中

每次去佳佳食糖水，都会比隔离间＂莲花健康素食＂门口嘅什斋吸引，因为我最钟意食酸斋同咖喱斋，咁啱陪妈咪去佐敦诊所睇医生，顺便去呢度试食一下，佢有啲好抵嘅客饭，不过我哋唔想食饭，点咗两款餐牌上嘅食物，连同前菜同甜品，大家都饱到抱住个肚走。🍴什斋(大)⭐️⭐️⭐️⭐️每次都点嘅什斋，因为太抵关系，唔觉意点咗个大但食唔晒要打包，每款斋都做得十分出色，入味度十足，酸嘅咖喱嘅蚝油嘅叉烧嘅脆嘅都非常到位，无唔试嘅理由🍴锦卤云吞⭐️⭐️⭐️⭐️唔系间间斋铺都有得食，云吞入面无馅，但只只都唔油热辣辣卜卜脆，蘸上微酸嘅汤汁，连材料一齐食，真系好食到停唔到口，而材料方面非常丰富，有青椒蕃茄菠萝草菇云耳等等，一大兜食极都食唔完呀⋯⋯最后食咗个蕃薯糖水，饱了二人共消费：$180