盛記

营业中

休息中

晚上九点几在中环揾食，远处见到有大排档... 反正很久都未食过街边大排档，此店又有蔡生推荐，便坐下一试。食得街边大排档，就预咗衞生麻麻，碗筷都有D油腻。两个人叫了两味小菜，两个白饭。白饭$4一个，大大碗，抵食。至于小菜，第一味是虾仁炒蛋，卖相颇为吓人，点解D蛋系灰色嘅？！当然碟底D油都系灰黑色！！我们唯有叫自己唔好咁「苛求」，试吓啦！幸好味道尚算正常，D虾都算大只。第二味是豆腐斑腩煲，煲底虽够热，但卖相依然系一般。豆腐不是炸豆腐，是普通豆腐，比较「碎」；斑腩则唔知系乜嚟，无鱼味，送骨送鱼鳞。心想，这店真是蔡生至爱之一？！