番茄師兄

营业中

休息中

又嚟到湾仔上堂，朋友极力推荐蕃茄师兄啲蕃茄汤，本身好怕好假嘅蕃茄味，但最后都决定嚟试下。黑鱼片乌冬加粟米滑蛋 配招牌蕃茄汤蕃茄汤的确好浓好杰，啲味亦都唔假，嫌有啲甜，始终蕃茄味又唔算好出，冇期望都冇失望。乌冬系好食赞岐乌冬𠮶种，弹牙，幼身好挂汤！反而鱼片真系惊喜，好滑好薄冇腥味。滑蛋的确够滑，唔老，唔油腻，有蛋香。滑蛋牛肉蛋包饭牛肉够滑，唔鞋，唔会落咗太多松肉粉搞到啲牛肉冇晒口感。滑蛋同楼上𠮶个一样咁滑，蕃茄汁冇蕃茄汤咁浓，个人觉得同蛋包饭唔算太夹。但值得一赞啲饭系炒底，香好多。下次嚟都系会食返乌冬汤面！