譚仔三哥米線 (健威坊)

营业中

休息中

假日經過北角健威坊，見到譚仔三哥，於是我哋就入去食米線，睇完餐牌，都係覺得過橋米線咩都有，唔使諗咁多，價錢就$56，另外叫咗豬膶米線$34＋$2蕃茄湯底，仲有個魚腐米線$34＋$2蕃茄湯底，最快到嘅竟然係麻辣湯底過橋米線，有魚蛋、豆卜、豬膶、牛肉、豬肉、雞肉、牛丸、墨丸...等等，乍醬及酸菜分開上，真係好足料，份量都幾多，兩個人食都得。而等得最耐嘅係魚腐米線。總結：三碗米線嘅份量都好多，麻辣湯底揀咗5小辣，都已經好辣，至於蕃茄湯底都好濃，好好味，都幾開胃，亦有蕃茄係度，豬膶都都煮得啱啱好，唔會太實，魚腐都好味。職員服務態度都唔錯，見到廚房嘅職員都有戴好個口罩，亦有網套套住頭髮，職員都有戴手套，感覺都幾乾淨。