影片
更多
2012-01-20
36 浏览
晌美孚Mia Pasta Trattoria叹完餐生日饭，就返屋企食生日蛋糕，太太特别准备咗Awfully Chocolate嘅chocolate banana cake，6"直径卖到成$228，都咪话唔贵，不过，值唔值就睇质素喇。记得最初遇见此店系开晌坚道嘅，一室监狱装修，仲要乜嘢产品都无陈设出嚟，够神秘，够绰头，令人好奇，仲要只得三款味道嘅朱古力蛋糕同黑朱古力雪糕卖，之后，被杂志介绍，被明星吹捧，就大热起嚟。依家叫开枝散叶，多咗好几家分店，不过装修就无玩得咁型格有个性，变得商业味多咗，但系产品就多元化咗，有Chocolate Truffles、Cupcake、Butterscotch、Khalua Bar……（部份产品要晌指定店先有供应），都系食家们嘅口福。对间饼店嘢唔再多讲，因为有咁多食评都讲咗九九十十啦，不如讲吓小弟点评佢个蛋糕啦！朱古力香蕉蛋糕（Chocolate banana cake）想讲少少个包装盒先，白底黑字黑边，贯彻番店舖装修嘅色系，够精简。最钟意佢包装盒两边底位畀开咗个窿位，方便两边盒舌可以摄入去，唔使撒开晒。因为两公婆一次过点食得晒成个蛋糕丫，食剩嘅2/3入返盒
记得最初遇见此店系开晌坚道嘅，一室监狱装修，仲要乜嘢产品都无陈设出嚟，够神秘，够绰头，令人好奇，仲要只得三款味道嘅朱古力蛋糕同黑朱古力雪糕卖，之后，被杂志介绍，被明星吹捧，就大热起嚟。依家叫开枝散叶，多咗好几家分店，不过装修就无玩得咁型格有个性，变得商业味多咗，但系产品就多元化咗，有Chocolate Truffles、Cupcake、Butterscotch、Khalua Bar……（部份产品要晌指定店先有供应），都系食家们嘅口福。对间饼店嘢唔再多讲，因为有咁多食评都讲咗九九十十啦，不如讲吓小弟点评佢个蛋糕啦！
朱古力香蕉蛋糕（Chocolate banana cake）
想讲少少个包装盒先，白底黑字黑边，贯彻番店舖装修嘅色系，够精简。最钟意佢包装盒两边底位畀开咗个窿位，方便两边盒舌可以摄入去，唔使撒开晒。因为两公婆一次过点食得晒成个蛋糕丫，食剩嘅2/3入返盒，唔使揾绳绑都易入返落雪柜。
好多人都形容个蛋糕表面无乜装饰，系见惯咗啲蛋糕上面有好多嘢就系有装饰，小弟就觉得佢都唔算系无装饰，如果做好晒个饼，再淋完冚面嘅朱古力浆，四围连饼面都平平滑滑，咁就真系一啲装饰都无喇！稍稍留意嘅话，都见到饼面嘅纹有一定嘅线路，又有高咗一小朕嘅围边，显示出师傅功多自不然艺熟。有做过蛋糕嘅朋友都知，倒朱古力浆做到个面平滑唔算太难（重点在于做个朱古力浆嘅技巧），晌上面搞一大埋装饰亦非难事（在乎花几多心思），但单以纹刀做出花纹就未必做得靓仔，随时岩岩巉巉唔好睇！
一刀切开，清晰可见上中下一共三层朱古力海绵蛋糕，中间「卡拉」夹住两层新鲜香蕉果肉，再外围同蛋糕面淋上朱古力浆，制作上唔算复杂，系一层叠一层要花多少少功夫。但论质素，确系上乘，海绵蛋糕除咗够浓郁朱古力味之外，亦颇为松软；而朱古力浆同样好香朱古力味，甜度唔会令人食落过「漏」，质感亦都软滑；夹层嘅蕉肉，做得几厚身，而且够熟够香蕉味浓，唯一挑剔系食落稍嫌带少少实，唔知系咪雪过笼？还记得第一次食依类朱古力香蕉蛋糕，系晌海运大厦嘅California Pizza Kitchen，𠮶次食到嘅一样做得非常出色；今晚依个，整体嚟讲都系一样非常好食，朱古力搭香蕉嘅甜蜜魔力，无得顶啦！
个蛋糕预咗一开六，生日依晚就同太太各食一件，剩番2/3共四件就留番听晚同姨仔、舅仔分享一齐食，延续多一晚嘅满足！
张贴
