三葉屋

营业中

休息中

某个礼拜日，本来想去半岛冰室食嘢，点知原来佢唔开，于是走过隔离嘅三叶屋帮衬。听讲呢度嘅名物系自家制荞麦面，第一样主食叫嘅毫无悬念系炸虾野菜天妇罗冷荞麦面，另一个就拣咗他他酱日式炸鸡乌冬。呢两个主食都几高质，前者面质弹牙有咬口，荞麦味中规中矩，天妇罗有虾，芦笋，南瓜，冬菇，车厘茄等，炸得唔算油腻，粉浆亦唔算厚，我觉得几好食；后者炸鸡虽然略嫌干咗少少，但点他他酱食其实又好唔错，加上佢炸得唔油腻，呢点我好几欣赏👍。意犹未尽，再叫多个刺身拼盘同蟹肉忌廉薯饼，刺身有吞拿鱼，鲣鱼同鱿鱼，以呢个价钱，无论新鲜度同刺身厚薄度我都绝对收货；薯饼大大块好 creamy，不过食到尾就真系几漏😂。