金記冰室 (置富南區廣場) (已結業)

🥩今晚放工去咗薄扶林，顺便食个晚饭。今晚想锯扒，所以去金记冰室叫铁板西冷牛扒餐。今晚拣咗配薯菜同蒜蓉汁。牛扒五成熟，喺铁板上滋滋地煮一阵都接近七八成熟了，牛根同脂肪部分锁住丰富肉汁。主菜除咗有厚切波浪薯条之外，仲有西兰花，粟米，洋葱，唔止营养丰富，颜色都丰富。🥬加配冰镇芥兰配日本芥辣，第一次咁样食芥兰，芥兰爽脆，增加蔬菜纤维无妨。今晚拣咗中式老火汤，唔会油腻，又补身。🍹饮品拣咗菠萝柚子冰，柚子味清甜，大大粒菠萝一啲都唔吝啬。🍨见等紧嘅巴士仲未到，忍唔住嗌多个甜品，一直好想试西多士雪糕。西多士加炼奶，云呢拿雪糕加朱古力酱，非常满足。