Hungry Monkey (金朝陽中心二期 - Midtown)

营业中

休息中

放工约埋几个朋友一行 4 人 HH 加食个 early dinner，朋友话想食日本野就喺 OpenRice 揾到呢间Hungry Monkey book 埋位，佢写系「日式铁板烧餐厅」，但系佢唔系喺你面前整畀你食果款，佢系落单之后 bar头一个铁板位 整晒畀大家食，如果系想要睇住佢整野食嘅朋友要留意。先嚟梗系叫野饮先，今日唔饮啤酒，饮下 highball 先~ 佢有样叫做「港岛烧」，系叉烧、腊肠、芫茜、虾米同肉松 造嘅御好烧（お好み焼き），食落其实几夹，特别系腊肠同肉松。另外「牛舌薄烧」我觉得系全餐饭最好食，其他野食都有啲咸。 另一样野就系张枱，我地四个人坐一张角位嘅圆枱，其实好迫，坐得都几唔舒服。