雲興隆小廚 (已結業)

煲仔饭系呢度既招牌菜，一试难忘。薄薄脆脆既饭焦，食得出师傅既功架。我地一家人黎到以往都会点吓唔同款式既煲仔饭，但次次发觉腊味煲仔饭永远都系最抢手，其他既都比下去。经典之所以能成为经典，系因为经得起时间既考验。无论经过时代变迁，男女老幼，都一致喜欢腊味煲仔饭胜过其他。腊味经过腌制同风干既过程，将精华都锁住体内，同生米一齐煲吓煲吓～香味同油分就发辉晒出黎，再渗透到每粒米饭之中。粒粒饱满既饭粒，成为一啖接一啖既满足。肉饼都好食，但猪肉较多肥膏。梅菜系甜梅菜，我喜欢梅菜既甜。铁板豆腐，豆腐嫩滑，可惜食唔出豆香。不过胜在铁板上咋咋声够晒热辣。蚝饼既蚝粉量太少了，而已好细粒又碎碎的，粉浆太多，no good。香口小吃炸鸡软骨，用黎送啤酒一流。仲有腰果，新闻话于饮食中摄取适量坚果可减低心脏病风险，我都要多多注意我既坚果摄取量啦～