薯仔屋 (已結業)

7月1日同班朋友一齐去游行，眼见4点开始但2点就封路，所以决定约早少少食嘢顺便等到行得先动身，其中一个朋友就建议几年未去过既薯仔屋，贪佢唔喺大街唔会比封路阻到，咁我地一行5人就走咗上去。下午得我地一枱客, (定系7.1无人敢去铜锣湾食下午茶呢)，我地坐喺角落梳化位置，对住播紧电视节目嘅screen，好似喺屋企睇紧电视咁舒服，又可以一路睇住新闻讲游行情况。之后侍应就拎咗餐牌嚟，有好多款下午茶选择! 价钱约5,60蚊一份包一杯嘢饮，一般Café嘅价钱。感觉上去到薯仔屋一定系要食薯仔 xD，所以我就叫咗个薯仔屋铺天薯条再加10蚊饮香芋沙冰！当waiter serve到嚟，薯条上面本身已经淋满gravy酱同芝士，仲要serve埋sour cream，茄汁同BBQ酱，一碟薯条都可以有咁多种口味同食法，食落热辣辣又Juicy，算有诚意之作!杯香芋沙冰感觉几得意，饮头几啖觉得太甜，同waiter 讲，佢就拎走咗帮我调较，之后就啱饮哂，服务态度非常好！朋友仔为饱肚就叫咗个白汁吞拿鱼意粉，好够汁，意粉又无煮过龙啱啱好！向来唔会对café 食物质素有大期望，但薯仔屋保持质素, 干净舒服, 都算令我惊喜 =