萬發海鮮菜館

营业中

休息中

配角比主角更出色抢埋风头嘅事成日都有，例如《头文字D》嘅杜汶泽，又例如万发嘅黑椒薯仔牛柳粒入面嘅薯仔。成班人想食大排档，有朋友提议不如食万发；嚟到一坐低餐牌都未睇佢就话一定要食薯仔牛柳粒，仲话薯仔好食过牛柳粒𠻹。我𠮶阵心谂：你想食多啲牛柳粒咪直接啲啰，唔使出口术㖞师兄。结果碟𩠌一嚟到，佢又真系第一啖就食薯仔，咁我呢啲唔执输嘅梗系跟住食薯仔啦。佢冇呃人，真系几好食。点好食法？老套啲讲外脆内软啰，但煮到外脆内软又唔系咁易啊是叶师傅，但万发做到；唯一美中不足嘅就系个汁/芡略嫌太过黏嘴痴牙。咁牛柳粒呢？你觉得周杰伦演《头文字D》演成点？唔会哗一声，一般大排档水准啦。