美味天皇

营业中

休息中

午餐嘅时候最钟意同同事食美味天皇，快靓正之选。不过要等到位都唔容易，以$5x 至$6x嘅价钱食到呢个质素真系几满意。首先餐厅嘅姐姐态度好亲切，通常肉类都可以选择鸡扒猪扒牛扒羊扒，配上当日嘅酱汁我自己就通常叫黑椒汁，主食就可以选择白饭，扁意粉，天使面或者薯格。肉类嘅处理都好好，尤其是猪扒好厚身，好juicy！相对上牛扒会比较薄身大块d, 但配上黑椒汁好惹味。最值得一提就系佢哋嘅薯格好新鲜，上碟时都会系热辣辣，值得一赞。食完主菜仲会有甜品，通常都会系芝士蛋糕，朱古力蛋糕或者布甸糕点类，送埋餐茶绝对好饱。佢哋嘅热柚子蜜我都觉得几好饮。