美味天皇

营业中

休息中

放工後，好想食野叉下電，但又唔想食炸野或蛋糕等甜食，所以去了美味天王，因知道佢下午茶做到6.30pm. 以前會幫襯大家樂，但由於現在下午茶只做到5.00pm, 已無機會放工後食到喇。。。6.00去到美味天王，人客佔了有三成左右，唔算多人，下午茶餐有好多選擇，今日選了泰式雞翼搭即磨咖啡，唔使加錢，無加一,盛惠$37。另外，如選柚子茶或檸/菜蜜都唔使加錢，係我欣賞美味天王既地方泰式雞翼4件煎得好有技巧，外脆內嫩，少脂肪，全熟無粉紅色。食得安心。欣賞奶另上，本來想飲齋啡，但好似太勁，有點傷胃，加返d奶就滑好多

午餐嘅時候最鍾意同同事食美味天皇，快靚正之選。不過要等到位都唔容易，以$5x 至$6x嘅價錢食到呢個質素真係幾滿意。首先餐廳嘅姐姐態度好親切，通常肉類都可以選擇雞扒豬扒牛扒羊扒，配上當日嘅醬汁我自己就通常叫黑椒汁，主食就可以選擇白飯，扁意粉，天使面或者薯格。肉類嘅處理都好好，尤其是豬扒好厚身，好juicy！相對上牛扒會比較薄身大塊d, 但配上黑椒汁好惹味。最值得一提就係佢哋嘅薯格好新鮮，上碟時都會係熱辣辣，值得一讚。食完主菜仲會有甜品，通常都會係芝士蛋糕，朱古力蛋糕或者布甸糕點類，送埋餐茶絕對好飽。佢哋嘅熱柚子蜜我都覺得幾好飲。

喺灣仔返工 第一次黎呢間茶餐廳 餐廳亦比較特色因為入面有唔同既模型例如marvel，高達，吸引唔少人去打卡 我叫左個雞扒飯，塊雞扒非常大舊，食完之後已經好飽之後仲有一個甜品價錢亦非常合理，感覺餐廳地方相對比較細，如果平日中午時分二可能要排一段時間建議12點食lunch 會比較好

星期六中午時間，三個人，點了午餐，包甜品及飲品，另點了薯條及三文治。差不多食完碟飯，叫侍應上甜品（啫喱），叫左幾次都無人理，到最後食完碟飯，追了好幾次先有人上，仲要唔係即時，只係隔離枱上甜品順便上埋比我地，但啫喱只剩返一個，侍應毫不猶豫就比左個啫喱隔離枱，到我地問佢時，答：只係剩返 Terimisu，我小朋友等左咁耐嘅啫喱只換來一個Terimisu，完全無顧及顧客感受，所以我決定以後都唔會再光顧，免得受氣。

🌟睇佢外觀我一直以為佢係一間茶餐廳，點知佢係一間茶餐廳文化既西餐廳。西式既餐佢有，再加埋佢大件夾抵食既茶記文化，都吸引左唔少客源，再加埋免費飛既甜品，難怪門口經常有一大堆客等位。🥩蒜蓉汁煎雞扒配薯菜 $56😋超級厚切嘅雞扒仲要有兩塊咁多，對我一個女仔來講超級夠飽，雞扒煎到好香口，雖然係有少少焦邊，但係都可以接受到嘅。其中一樣餐廳嘅特色就係佢所配嘅薯菜係薯格！而且係好好食嘅薯格，份量亦都唔少所以令到鍾意食薯格既我超級滿足。佢超級加分嘅地方就係跟餐有甜品送！雖然係免費甜品但係都質素唔差，通常有日式芝士蛋糕、木糠布甸、提拉米蘇、椰汁糕……等等。整體： 🌟🌟🌟🌟

食肉獸又出動啦大日晏就想食港式扒, 但lunch食鐵板又唔係咁合適, 啲衫會有陣味之餘, 仲要到夜晚收工先有得沖涼於是同事就propose食另一間灣仔飯堂-美味天皇雖然我哋去果日落雨, 但依然有好多人等位成間餐廳都係滿滿嘅人, 超有人氣美味天皇嘅座位唔闊落, 整體環境都算唔上好乾淨, 究竟有咩魅力令咁多人蜂擁而至呢? 大食妹一於為大家試一試味<肉眼牛扒黑椒汁配薯菜>大食妹嗌左份經典嘅肉眼牛扒黑椒汁配薯菜美味天皇嘅薯菜係薯格如果唔鍾意都可以免費轉飯或意粉, 沙律就要加5蚊肉眼牛扒好大一塊雖然係港式扒, 但粉嘅感覺唔強烈, 肥瘦適中, 煎得窿窿地恰到好處仲淋上左大量黑椒汁, 有夠豪氣, 我欣賞黑椒汁唔算好辣, 但足夠濃郁薯格都好脆, 份量唔少, 大食妹食就啱啱好大食嘅朋友可以upgrade加大薯格除左主食同野飲, 套餐仲有跟是日甜品大食妹食果日可以揀芝士蛋糕或提拉米蘇, 大食妹就揀左提拉米蘇呢個提拉米蘇味道就比較一般, 但有得食總係開心嘅

今次去咗依間餐廳買外賣。之前都有食過幾次。覺得好大方。因為啲餸好多有啲餐廳食咗兩啖飯啲餸就無晒。依間啱晒肚餓想食飽飽嘅Mingorr。叫咗個蒜蓉汁雞排飯。五塊雞排。嘩。大方到咁一塊大。三塊中。一塊細。啖啖肉。就咁食排都飽。味道有茶餐廳水準啦。一大盒飯。食完飽到上心口。仲有甜品。真係唔係間間茶餐廳都有。普通芝士蛋糕。普普通通。飲品都算大杯。茶餐廳奶茶水準。總結係想食得好飽係絕對嘅選擇。食物質素符合資格。依排仲有外賣優惠添。夠抵食

喺灣仔平日要搵嘢食，真係有少少難今日本身想去食旺記，但係旺記一如以往多人到嘔，打工仔得個小小小小嘅時間，邊有可能食到，最後就去咗隔離嘅茶餐廳醫肚可能因為晏晝嘅關係，所以餐廳都係得四款食物揀，應該都係貪快，整四款出得快啲不過今日Fatbrown 咁啱都幾想鋸扒，所以都幾啱食<豬扒配薯格$56>分量唔算好多，兩舊豬扒再加一對薯格，不過都夠飽嘅醬汁份量唔野少，食完兩舊豬扒仲可以用來點薯格薯格卜卜脆，食完好滿足食飽之後仲有甜品食有Tiramisu 同埋椰汁紅豆糕簡，咪道唔好要求咁多啦

琴日第二次同同事黎灣仔呢頭食美味天皇，今次回頭番黎食主要因為覺得餐廳個lunch set抵食，味道吾錯，又有甜品食。灣仔有好多茶餐廳，但要突圍而出一啲都吾容易，所以一定要用味道同其他特色黎跑出。呢間美味天皇就正正做到呢一點。佢嘅意粉有扁意粉同粗意粉比客人揀，甜品每日吾同，有Tiramisu、芒果布丁、木糠布甸等選擇，可惜今次黎遲一步，無哂木糠布甸，下次一定早啲黎食！！

放lunch時分...多人就緊架啦....有同事推薦一間食扒又平....又有薯格...仲有個甜品既餐廳...嘩....聽到呢個offer....簡直吸引到急不及待啦......SO....去到餐廳門口....裝修都算係殘殘地....入到去陰陰暗暗咁...但果一下心諗...平丫麻....做人唔好得一想二...之後坐低後台面都油油地咁...繼續保持一個正面思想啦...野食最重要....白汁魚柳配著菜:賣相如同嘔吐物一樣....成碟野都用唔到新鮮熱辣黎形容(明明都係炸)....只係暖暖地....薯格仲帶小小油味.....D椰菜直情仲係新勾勾咁...係咁易熱熱過一過...稱唔上係煮過...仲有個甜品...同市面一D低級放題店既甜品櫃係一模一樣....細細舊...砂糖味...唔食好過食...55蚊既LUNCH黎講...我大把選擇...完全無性格比可言...真係可一不可再

📍🇭🇰 美味天皇 Tim’s Kitchen.來到午膳時間，係灣仔準備入動漫節或者岩岩行完動漫節的朋友，當然要醫下肚先，吃飽充電再戰！.係會展附近，經過條長天橋的下面就係呢間餐廳，中午時間特別多人排隊等位，拎定票一齊人就即刻幫你安排入得去吃！店員服務親切，做事快手！.我同朋友就點左個午市套餐：🍽 肉眼牛扒黑椒汁配薯菜 {HK$63/餐，不收加一}🍹 跟餐飲-熱柚子蜜🍰 甜品- Tiramisu.牛扒大大塊有肉質，薯菜並非薯通大薯塊，而係熱辣辣剛炸起的薯格，吃哂成個餐，好飽好滿足！

今天相約一位同樣在灣仔區工作的朋友午餐，因他時間比較緊，所以只可簡簡單單吃個快餐，上網搜尋到這間都方便大家的餐廳。我點了一份煎豬扒什菌茄茸汁飯，茄茸汁是另上的，有很多😬，還有一些椰菜作配菜，味道不錯，最開心是原來午餐會附送甜點，是蛋糕🍰一件呢，很鬆軟美味又不會過甜

雞扒薯菜格仔薯餅，ok! 菜，夠分量 👍🏻雞扒，有2塊，唔乾身! 👍🏻👍🏻👍🏻仲有甜品，唔太甜! 今日紫米糕。$55蚊，算抵! 👍🏻👍🏻👍🏻👍🏻

很久之前我與我一位同事很喜歡到此處食lunch,但自從我這位同事離職之後，已經很久沒有踏足此處。今天恰巧與這位舊同事相約食lunch,大家不約而同希望舊地重遊，來一個回顧。我們兩人口味相約，以前很喜歡這裡的煎豬扒，所以今次也不例外，同樣揀選了煎豬扒我要了飯，同事要了扁意粉，餐飲又分別了熱檸茶和熱華田，甜品也是一樣，就是一件細小的Tiramisu 。豬扒變得很硬、無論飯和扁意粉也不夠熱，甜品就一般，最不能忍受是兩杯飲品，我們喝了一口都再不可以繼續飲下去了，因為漂白水味太濃！同事去俾錢時投訴飲品有漂白水味，收銀員竟然説我們為何不早一點反映給他們聽，他們會用瓦杯補賞另一杯給我們，因為那些膠杯可能因為浸在漂白水太久，又或者負責洗碗的洗得不夠乾淨，還提醒我們下次記得叫飲品時要加句-「用瓦杯上」！

早餐十分差勁，與職員說了一次，這份麵包發霉，職員態度又不好，嬲爆爆又不忿的樣子，換給我。點知到頭來都是給我之前那份發霉的麵包，太過份。這樣對待顧客真是十分差勁。