La Vache!

营业中

休息中

同朋友慕名而来，呢间餐厅好特别，只有一个餐-「肉眼排餐」可以叫，都几有自信同大胆😎咁我哋就每人叫咗一份，佢嘅餐包好食，但外皮好硬下（可能系法包个类？），但内里系好软绵又香，配埋牛油is very nice.系我觉得全个餐入边最好食😂佢地仲有沙律，调味得好食，但啲菜食落无sap sap 声，口感欠奉，但味道上唔会令我觉得唔新鲜，令人惊喜系佢有啲nuts👍主角rib eye卖相系靓嘅， 牛味都重， 但以3成熟黎讲， 个肉质都几un 下。由于佢都几大份，所以都咬到我哋怀疑人生 ...我哋一致觉得自己屋企煎个啲仲好食啲😅😂唯一想赞一赞系佢哋会用蜡烛帮旧牛肉保温。啲薯条系任装， 口感出色，脆脆地咁，但味道稍咸，食几条就觉得好食嘅，但食多啲就觉得好咸，所以即使餐厅只帮我装咗一次， 我都只食到一半。间餐厅装修几特别， 有种怀旧西餐feel 。最后，因为间餐厅会播歌同摇下乐器咁帮寿星庆祝， 我谂个晚起码听咗10次以上几大声嘅生日歌🤣所以想庆生嘅话可以考虑去嘅， 但唔钟意嘈嘅人， 去前就要三思。