影片
更多
2021-03-01
801 浏览
今次黎食一间美国过江龙嘅快餐店餐厅，全球有超过1500间分店，香港湾仔系全亚洲第一间分店，系2018年11月19号开张，呢家喺香港已经有五间分店。呢间传统美式快餐店，主打汉堡包、薯条同奶昔，另外仲有热狗同三文治，全部都系冇套餐要散嗌，汉堡卖点人手制作、从不冷藏急冻，香港价钱同美国英国差唔多，冇话黎到香港贵咗好多。-🍔 Little bacon cheeseburger 💰75（👅: 8/10）呢度嘅汉堡包最大特色就系配料同酱汁都可以自由配搭，而且价钱免费，总共15种配料同酱汁全部要晒都系同一个价钱，如果有选择困难症可以拣all the way，咁就有最基本𠮶八种，餐厅会配个佢哋觉得最好嘅配搭。落order时店员都清一色会比纸袋你，唔会问你喺度食定听take away。我叫咗一个细啲嘅有烟肉嘅cheese Burger，因为又要食薯条同饮奶昔所以就叫细啲，不过细同大个分别就系单双层，要唔要多一块汉堡扒。面包算正常，唔系最差嘅空气包，但又未到好食，好食嘅面包应该系会有烘少少，食落应该系有啲脆，呢个唔系。酱汁嘅份量就正常，唔会话过多令到个包太湿，个人唔钟意个包好湿，食落完全腍晒。蔬菜食落好新
今次黎食一间美国过江龙嘅快餐店餐厅，全球有超过1500间分店，香港湾仔系全亚洲第一间分店，系2018年11月19号开张，呢家喺香港已经有五间分店。
呢间传统美式快餐店，主打汉堡包、薯条同奶昔，另外仲有热狗同三文治，全部都系冇套餐要散嗌，汉堡卖点人手制作、从不冷藏急冻，香港价钱同美国英国差唔多，冇话黎到香港贵咗好多。
-
🍔 Little bacon cheeseburger 💰75（👅: 8/10）
Little bacon cheeseburger
$75
82 浏览
2 赞好
0 留言
呢度嘅汉堡包最大特色就系配料同酱汁都可以自由配搭，而且价钱免费，总共15种配料同酱汁全部要晒都系同一个价钱，如果有选择困难症可以拣all the way，咁就有最基本𠮶八种，餐厅会配个佢哋觉得最好嘅配搭。
落order时店员都清一色会比纸袋你，唔会问你喺度食定听take away。
我叫咗一个细啲嘅有烟肉嘅cheese Burger，因为又要食薯条同饮奶昔所以就叫细啲，不过细同大个分别就系单双层，要唔要多一块汉堡扒。
面包算正常，唔系最差嘅空气包，但又未到好食，好食嘅面包应该系会有烘少少，食落应该系有啲脆，呢个唔系。
酱汁嘅份量就正常，唔会话过多令到个包太湿，个人唔钟意个包好湿，食落完全腍晒。蔬菜食落好新鲜同爽脆，可以食得出依个汉堡系即叫即整，连锁店最大忌就系预先整好，蔬菜会比汉堡块肉嘅热力整到熟之后出水。汉堡块肉睇到好厚好大块，食落重肉味好juicy，里面块烟肉都好脆，不过芝士嘅味道就淡啲，整体来讲算above average，喺香港用$75食到呢个汉堡包算系咁，因为有好多汉堡包都系价钱好进取，但唔好食或者对唔上个价钱。
-
🍟 Little Fries💰40（👅: 9/10）
Little Fries
$40
126 浏览
2 赞好
0 留言
薯条有三个大细，我叫咗小，但份量一啲都唔小，会见到店员明明已经装满左薯条系个杯度，都会加多几下落个袋度。味道有两个选择，原味同辣味，第一次食所以拣咗原味。
佢哋啲薯条标榜系用花生油即叫即炸，同埋会话比你知呢批薯仔嘅产地，大皮薯条全部都用新鲜薯仔做，唔系用薯蓉倒模出嚟。
薯条食落系外脆内软，仲有超级香既薯仔味，虽然份量好多但真系一条接一条，喺香港来讲都算系最好食嘅薯条之一。
-
🥤 Milkshake Peanut Butter/Strawberry💰55（👅: 9.5/10）
Milkshake
$55
41 浏览
1 赞好
0 留言
奶昔可以拣加唔加淡忌廉。同汉堡一样，都系有多款配料免费加配，好似朱古力、盐味焦糖、Oreo曲奇块等，可以mix多款，较为特别系花生酱同烟肉。
今次叫左一杯花生酱无淡忌廉同一杯士多啤梨有淡忌廉。
奶昔口感幼滑好顺口，甜度适中，非常creamy饮落好饱满，花生酱口味非常特别，会满口花生酱味道，味道有惊喜，系FIVE GUYS既signature，不过饮得多就会系咁谂呢杯野好邪恶。同埋如果叫哂包、薯条同Milkshake其实份量好多好饱，因为奶昔都唔细杯，建议可以同人share。
-
🌟总括嚟讲汉堡发挥正常，香港当然有汉堡好食过佢，但可能价钱要贵小小，但薯条就真系好食，要好食过佢唔易，而milkshake就更加出色，尤其系花生酱味。
Milkshake
$55
105 浏览
1 赞好
0 留言
系湾仔分店有样特别嘢就系花生任食，方便排队或者等紧𠮶时食住花生等。花生仲要大大粒好香花生味，不过味道偏咸，算系好食嘅花生。
-
👅味道: 9/10
🍴环境: 7.5/10
💰消费: $170 (服务费: NA)
张贴
