國際咖哩館

营业中

休息中

去了湾仔蓝屋走了一趟，重建后的蓝屋应该是香港保育做得较好的地点，希望更多像这样的旧大楼被保育（利东街那样的东西就不要搅太多了）。之后步行到和昌大押附近的国际咖哩馆，之前已经黎试过佢地的重口味黑咖哩羊肉饭，烟薰过的香料调制成的黑色咖哩汁，羊肉小片但份量好多，因本人唔太食得辣，叫少辣都要饮三杯水，汁浓香料丰富，仲有淡淡的烟薰味，食过一次后成日都想再试。今晚同女朋友黎试，叫左两款咖哩，甜酸羊同古马虾，加个簿饼，份量中等，两个人食刚刚好。甜酸羊羊肉新鲜，炆得淋但唔会太烂，因为肉偏瘦没有太多羊脂，羊味唔太骚(本人偏爱羊骚味)。甜度中等，但系乳酸味比较唔明显，但奶味够所以都算好食。古马虾就有少少失望，咖哩味都好香，送簿饼都几好味，虾量唔算多，每人三至四只左右，但唔系好够味，虾肉比较淡，个人认为如果煎一煎先或者同咖哩炒多一炒先会再好吃一点，再唔系就连虾头或壳炒一炒就会再香虾味一点，不过每间餐厅有自己做法，呢个都系纯粹个人意见。簿饼两份约有三片，黏韧而唔油腻，也算香口。