紅館

餐厅有3个价位既2人套餐，6道菜，做紧54折优惠，分别有$699/$899/$1588。每道菜份量都足够。⭐️六道菜晚市二人套餐 $699✿巴马火腿蜜瓜沙律🥗有火箭菜🥬、蕃茄仔🍅、蜜瓜🍈、巴马火腿🥓。巴马火腿两大片，口感柔软，味道油润咸香。蜜瓜口感爽脆，味道较淡。✿蘑菇汤🍄‍🟫用简单手法呈现蘑菇汤，入口充满住浓郁既菇味。汤既质地亦唔稀，有d细碎既菇粒，整体口感唔错。✿低温慢煮鸡胸冬阴功酱扁意粉🍝扁意粉煮成Al Dente ，口感弹牙，亦好挂汁。鸡胸肉质几滑，配料有菠菜同蕃茄仔。酱汁既冬阴公味浓郁但唔辣，好味!✿红馆姜母鸭🐦估唔到系成只鸭腿，外皮几香口，肉质厚而结实但唔柴，有淡淡既药材味。配埋甜甜地既杏桃橙酱，咸甜咸甜几好味。垫底既罗马生菜新鲜，索左鸭油多份油香。✿芒果拿破仑🥭 & 鲜果芝士挞🥧芒果拿破仑既酥皮较稔，夹住吉士酱同成块芒果，芒果几甜。鲜果芝士挞系提子挞，芝士酱呈流心状态，芝士味香浓，有惊喜。✿咖啡或茶可以拣水果茶🍹味道唔会好甜同浓味，岩晒食饱之后清清味蕾解解腻。