紅館

夜晚收工想揾间餐厅有啲格调食好啲，最后就拣咗呢一间装修优雅，楼底高空间感十足嘅餐厅，入咗去食紧先发现原来呢一间餐厅嘅主厨系法国蓝带㗎🤩🤩，六道菜晚市二人套餐只系$699，价钱对得住佢嘅质素！沙律方面，分别有巴马火腿蜜瓜沙律🍈 同埋 烧美国安格斯牛肉泰式青木瓜沙律🐮🥗，我自己就特别欣赏安格斯牛肉泰式青木瓜沙律，其他餐厅真系冇见过呢个配搭，酸酸甜甜非常开胃，而且牛肉肉味好浓郁🤤🤤餐汤方面，每人都会有一个蘑菇汤🍄‍🟫，上面加咗好多芝士碎，饮落零食香浓！然后就有两款主食，分别系低温慢煮鸡胸冬阴功酱扁意粉🍝 同埋 红馆姜母鸭🦆，两款主食我都好欣赏，首先佢哋嘅意粉系手工意粉嚟，会比普通意粉更加弹牙，另外慢煮鸡胸滑到好似鸡髀咁，当然意粉嘅酱汁系成件事嘅灵魂啦！酱汁系酸酸甜甜嘅冬阴功味，平时比较少机会食到，而且呢个酱汁好清新，一啲都唔会腻～另外姜母鸭嘅皮非常香脆，而且鸭味好浓郁，系西餐少见嘅菜式！最后甜品方面，有芒果拿破仑🥭同埋 鲜果芝士挞🧀，我自己就更加钟意芒果拿破仑啦！