定食 Doraya (已搬遷) 新店位置

我地一行两人大约8pm到餐厅，立即被安排坐系2人枱。待点菜后，门口就出现人龙，劲！因朋友第一次黎呢度食，我推介左必试既葱蓝鳍吞拿鱼蓉定食，而我就试新既黑海胆并蓝鳍吞拿鱼蓉定食，另加一个炸蚝。定食包括：主食、前菜、面豉汤及蒸水蛋。 蒸水蛋： texture尚算滑，只属一般水准，但随定食附送黎计，算有交代。 炸蚝 ($48)：一碟5只，炸浆厚较，蚝既质素只属一般，对近期食过既炸蚝以相约价钱作比较，万豚屋既炸蚝较新鲜同大只，炸浆厚度适中。 黑海胆并蓝鳍吞拿鱼蓉定食 ($175)： 海胆既size & texture都ok，但有少少腥味。吞拿鱼蓉保持一贯水准，无筋，够新鲜，正！ 但饭方面，未知系米种既问题定其他因素，饭既粘性不足，但都够香软，不错！总括而言：要我用$175食呢个声称新鲜运到既黑海胆，我就觉得唔值！尤其menu上有特别介绍呢个新鲜运到既黑海胆，会令人有所期待，但未知系季节问题定系货源问题，水准只属一般，反而令人希望越大失望越大。特别一提系，镇店之宝蓝鳍吞拿鱼蓉定食既吞拿鱼蓉越来越少，令人不禁心想：蓝鳍吞拿鱼‧请加快成长！！哈哈