一起果醬 (已結業)

今日约左好姐妹黎尖沙咀食饭睇戏，平时食DINNER通常我会系厚福街个边揾食，今次决定离开厚福街走到松山道既一起果酱。其实好耐之前已经听过一起果酱既大名，但太少入西贡所以无机会试，难得佢尖沙咀开分店，紧系要黎试下啦！店都未面门面已经List左好多唔同既手制果酱，好多都系MIX唔同材料既果酱，感觉比平时既果酱特别。入到去，感觉同佢个名一样，都系有一种好清新既感觉，木系家私，林森文青系装潢，好似想西贡既清幽节奏带到黎尖沙咀，有种歇息既感觉！之前一起果酱俾俾我既印象都食all day breakfast 同甜品为主，估唔到佢Dinner都有几多选择。先黎饮品，左边系真红豆冰 （＄42），好开心佢系我钟意既红豆粒唔系红豆蓉，份量仲好多，而且佢唔系用一般椰奶而系用红豆奶，所以成杯红豆味都好浓。至于右边既系桂花雪梨茶 （＄45），清甜既雪梨蓉配上淡淡得桂花香味，感觉很清新。之后系呢到既必食推介：九宫格多士 （HK＄48)， 一次过可以试9款唔同既果酱，果酱必真系唔可以错过，而且多士烘得外脆内软。呢到既果酱普遍甜度洽洽好，而作为玉桂迷既我最爱就系玉桂苹果酱，呢个组合既果酱平时真系唔多见，淡淡既玉桂香，