串酒里 (已結業)

每次黎山林道都系食金凤，呢日鬼掩眼揾极都揾唔到，俾外头既红色灯牌吸引，误打误撞下撞左入呢条巷仔。小巷充满神秘色彩，门口放住旧式水牌，好有日本居酒屋既感觉店面不大但好有格调，呢类可以啤一啤食下伴酒菜既小店早已买少见少，实在难得。餐牌上有多款香口伴酒小吃，鸡牛猪羊蔬果海鲜应有尽有烧豆腐以油炸方式烹调，口感似臭豆腐，外层香脆，但当然无臭豆腐独有既气味取而代之系芝麻同照烧汁既咸香，包著仍然湿润既嫩豆腐，口感极佳。茄如其名粒粒圆润饱满，一咬汁液满溢而出，清新开胃。大啡菇表面铺上火腿片同厚厚既芝士，啡菇水嫩多汁，菇菌独特既风味配上火腿同芝士，层次丰富又饱肚必点猪仔髀，外皮烧至焦脆，肉质似猪手，厚实有咬口又不至于韧，面头洒上香甜惹味既BBQ粉，香口味美鸡肉串啖啖肉，无鸡皮同肥膏，同样洒上与猪仔髀一样既调味粉，令本来淡味既鸡肉生色不少。推荐黑豚肉，肥瘦适中，入口非常鲜嫩肉厚。涂上甜中带辣既麻辣酱，令整体味道提升至另一层次。压轴既蚝脆棒，见到店家推荐而点，估唔到令人喜出望外三条手掌长短既特长脆棒，外在春卷皮炸至金黄香脆，干爽不油。中间夹住丰富既芝士同蚝肉，入口充满海水鲜味同芝士既咸香，整体非常匹配，蘸上