影片
更多
2017-05-20
91 浏览
早几日约朋友系尖沙咀一齐食lunch，本身谂唔到食咩餐厅，经过重庆大厦就突发奇想，想入去试试正宗既咖喱味道！ 朋友话佢有其他朋友讲过，有间最出名既咖喱餐厅系7楼，咁我地就胆粗粗行左入去重庆大厦喇 我地完全唔识路，但直行就见到询问处，问保安叔叔点去7楼间咖喱餐厅，佢转头就叫左个外藉哥哥仔黎同我地带路，咁我地就跟佢行去搭lift喇系等lift个阵佢比左一张VIP会员卡我地，上面写住出示会员卡就有9折优惠，未帮衬先拎到折扣，突然觉得今次既尝试好抵到左7楼见到大大既指示牌指住左边，向左行就到架喇！可能因为系午后时间，一推门入去发现客人都唔系好多，而店员同老板就一齐坐低休息紧，虽然面积不大，但个环境都几干净企理，有一种家庭餐厅既感觉老板见到我地入黎就即刻比左menu我地睇，估唔到咖喱都有咁多种类，真系好有惊喜！我同朋友拣左好耐都未拣到，最尾参考下附近食客既选择，再睇返menu啲图，叫左五样食物以上系menu既其中三版，净系呢三版已经令人好难选择！落单后，第一样上枱既食物系小食，我地点左胡椒威化饼块饼系见到有好多胡椒碎系入面，但我就唔系好食得出阵胡椒既味，不过都唔紧要，因为呢块脆卜卜既饼，系要点图
系等lift个阵佢比左一张VIP会员卡我地，上面写住出示会员卡就有9折优惠，未帮衬先拎到折扣，突然觉得今次既尝试好抵到左7楼见到大大既指示牌指住左边，向左行就到架喇！
可能因为系午后时间，一推门入去发现客人都唔系好多，而店员同老板就一齐坐低休息紧，虽然面积不大，但个环境都几干净企理，有一种家庭餐厅既感觉老板见到我地入黎就即刻比左menu我地睇，估唔到咖喱都有咁多种类，真系好有惊喜！我同朋友拣左好耐都未拣到，最尾参考下附近食客既选择，再睇返menu啲图，叫左五样食物
以上系menu既其中三版，净系呢三版已经令人好难选择！
落单后，第一样上枱既食物系小食，我地点左胡椒威化饼块饼系见到有好多胡椒碎系入面，但我就唔系好食得出阵胡椒既味，不过都唔紧要，因为呢块脆卜卜既饼，系要点图中青色既酱食架！
呢个酱其实我唔知佢叫咩名堂，但一入口就食到薄荷味，然后就系觉得好辣！我本人就系无辣不欢既人，呢个酱好似平平无奇咁，但其实系成餐饭入面我觉得最辣既野配威化饼食都几夹，我觉得大家都可以试下
我地叫左两款咖喱，同两款薄饼
呢个系特色香料鸡，本人劲推介！！因为我系非常钟意食鸡肉既，呢个鸡肉做得劲滑！本身我见到颜色咁红，以为会好辣，但其实只系少少辣，呢个红色系佢用左好多香料煮成既，我自己一个都差唔多食哂成碟，个酱汁用黎搽上薄饼食系非！常！夹！ 真心讲，呢个真系劲好食，已经唔知可以点形容对佢既喜爱，我同朋友讲之后我会再帮衬，就系因为呢个特色香料鸡，哈哈
呢个唔记得叫咩名，老板上菜个阵话今次比左啲白汁落去煮，我自己睇就觉得系平时出街食既咖喱牛腩，大家可以系menu睇返最近似既菜名 呢个咖喱系唔辣既，反而有少少甜，但同日式咖喱系唔同架！可能因为好似老板咁讲，加左啲白汁，另外食个阵食到有菠萝，平衡左重口味既咖喱，而牛腩亦煮得唔韧，甜甜地用黎点薄饼，好快就食哂一块
食咖喱，点少得印度薄饼呢？呢个就系蒜蓉薄饼喇！印度餐厅既薄饼好似韧韧既酥皮咁，呢个虽然表面睇到好多料，但因为我先试咖喱，令到我食唔到佢既蒜蓉味
最后就系芝士薄饼喇上枱个阵见到有啲油系面，令我一度以为点错左牛油薄饼，但朋友话呢个系芝士薄饼黎，正如我头先所讲，因为咖喱太浓味，原谅我食唔出薄饼既味道所以各位为食既朋友，如果你地黎帮衬，建议你地先食半块薄饼，再将余下既薄饼撕成小块，点咖喱酱汁食，咁样就perfect喇！
最后，呢间餐厅既服务真系唔错，老板上菜比我地个阵，见我地好似好疑惑咁都会讲返比我地知个菜式有咩特别既地方，例如佢话个咖喱牛腩另外加左少少白汁比我地咁，真系觉得好贴心！我地食饭个阵可能撞正佢地既饭后休息时间，成间餐厅既店员同老板都坐埋一张枱食水果同倾计，真系好有家庭餐厅既感觉到最后，我地埋单走个阵，带我地上去餐厅既哥哥仔送我地出餐厅门口，仲塞多张会员卡比我地话一人一张 老实讲我平时去餐厅唔会点咖喱，因为我本人其实唔钟意食日式咖喱既，但呢间餐厅真系令我非常惊喜，好有卧虎藏龙既感觉，已经有其他朋友话要我带佢地黎食高质咖喱喇！
张贴
