影片
更多
2012-06-27
281 浏览
4月30日, 去完旅行, 假期继续放! 难得今日平日, 同呀比行咗去街市揾野食! 本身谂住食间性格泰国野, 点知佢有性格得滞无开! 我地于是即时转场过隔离烤炉食印度野~ 呢度set lunch只在逢星期一至五提供, 包餐汤、主菜、饭或烤饼同埋餐饮~ 由厨房至柜面都由印度人主理, 咖哩口味够晒正宗!::: 咖哩羊肉 ::: $45餐汤系带点中式风味类似粟米羹咁嘅浓汤, 味道亦同粟米羹差唔多~ 不过除咗粟米同蛋花之外, 呢个汤仲有d粉丝喺入面, 增添些少爽口感~ 都几好味!原本以为咖哩羊肉会系一片片咁样, 点知原来系一旧旧嘅肉粒. 外表似腩位, 但其实有d偏瘦, 所以肉质咬落都偏实, 但羊臊味浓~ d咖哩又入晒味~ 薯仔质地够粉亦煮得够粉腍, 好好味! 咖哩质地浓杰适中, 有好多重香料味, 味道浓烈带少辣, 非常惹味!食印度咖哩梗系要配烤饼一齐食先够风味啦! 呢度嘅烤饼做得相当正宗~ 即叫即整够晒新鲜热辣! 块块都胀卜卜, 外层焦香, 内里软熟烟韧又有面粉香~ 点埋咖哩汁一流! 每人四大块真系唔惊唔够饱!餐饮如果要转饮mango lassi𠮶d特饮要加成$22! 而我地又唔系特别想饮印度饮
::: 咖哩羊肉 ::: $45
餐汤系带点中式风味类似粟米羹咁嘅浓汤, 味道亦同粟米羹差唔多~ 不过除咗粟米同蛋花之外, 呢个汤仲有d粉丝喺入面, 增添些少爽口感~ 都几好味!
原本以为咖哩羊肉会系一片片咁样, 点知原来系一旧旧嘅肉粒. 外表似腩位, 但其实有d偏瘦, 所以肉质咬落都偏实, 但羊臊味浓~ d咖哩又入晒味~ 薯仔质地够粉亦煮得够粉腍, 好好味! 咖哩质地浓杰适中, 有好多重香料味, 味道浓烈带少辣, 非常惹味!
食印度咖哩梗系要配烤饼一齐食先够风味啦! 呢度嘅烤饼做得相当正宗~ 即叫即整够晒新鲜热辣! 块块都胀卜卜, 外层焦香, 内里软熟烟韧又有面粉香~ 点埋咖哩汁一流! 每人四大块真系唔惊唔够饱!
餐饮如果要转饮mango lassi𠮶d特饮要加成$22! 而我地又唔系特别想饮印度饮品, 所以我就点返普通饮品冻柠茶~ 茶味浓, 柠檬亦比得慷慨, 所以都几好饮!
::: 咖哩牛腩 ::: $43咖哩牛腩个咖哩胆其实同咖哩牛肉差唔多, 不过呢个会多返d牛腩腩汁嘅肉味同埋牛油脂香~ 牛腩煲得肉嫩又入味, 同辛香浓惹嘅咖哩衬到绝, 我地觉得呢个汁仲好味过咖哩羊肉! 一同熬煮嘅薯仔除咗索到咖哩汁之外仲有d牛油香, 又系好好味~
冻奶茶冰太多, 而个奶茶本身唔够冻, 加上奶茶味都几稀, 所以d冰融得太快, 最后淡而无味…
呢个街市熟食中心都真系卧虎藏龙~ 其实主要系得三间食肆, 一间海鲜小炒、一间泰国菜、另一间就系呢间印度野~ 三间水准都十分唔错, 而且都系抵食之选! 之前都嚟过食晚饭, 除咗香港人外仲有唔少印度人嚟帮衬, 真系好同声同气~ 其他菜式亦都充满风味!张贴
