Lex Coffee (已結業)

名画Starry Night coffee ！有艺术气息嘅你不可错过！早前知道ARTCENTRALCURATOR, ART & CAFÉ 及 LEX COFFEE呢三大艺术据点「CURATOR 艺术遨游」系列展览，打卡或消费将可获村上隆激罕限量特别版设计 Perrier。环境其实自己好似第二次系坚尼地城食嘢，对呢个地方都唔太认识，不过呢到好易揾。餐厅系地舖，正方形设计，楼底好高！餐牌 艺术打印咖啡 $88 必点Van Gogh Starry Night嘅打印咖啡，好靓，打卡一流，亦好易入口。 班尼迪克蛋烟三文鱼多士 $108 好多牛油果，配上三文鱼，fresh得嚟又饱肚。 慢煮纽西兰草饲羊四支骨羊架配紫薯蓉佐日式烧汁 $238 四支份量确系不少，羊架肉好焾身，带点肥膏，本身草饲羊嘅羊味系较轻盈，配调味紫薯蓉亦唔会太over。 意式提拉米苏 $68 另一必点系Tiramisu，酒味唔会太重，入口唔洗点咬。总括而言，咖啡真系必点，餐厅又可以坐好耐都得，今次咁岩坐到大梳发位同朋友倾住计劲舒服。