寬巷子 (已結業)

又到每月一次食好野嘅时候，今次黎食台式火锅！净系门面已经感受到份怀旧风。内里有维港景色。我地叫左一人一边嘅鸳鸯锅，男友人拣招牌红泥小染，好麻辣，中间圆圈装住啲麻籽。我就拣返自己 - 东方美人(失笑)，其实系豚骨汤，好味！汤底入面有绵绸豆腐同鸭血~饮品叫左山渣红果汁，酸甜度刚好。最钟意呢个扮凤梨酥嘅野，必食，入面系猪肉同鲜菠萝。呢个菠菠糖都钟意，有最爱嘅芝麻香味。呢个枝仔冰就较普通，入面有虾，猪肉同花枝。另外点多个鲜虾云吞，好新鲜。呢个猪颈肉好靓，可以搽左蛋白之后整朵放入锅，一层层搣出黎食，薄而快熟。最后就食菜，啲菜以花盆形态出现，侍应仲好热心将啲菜移入锅里，放左入锅仍然keep到好靓。成餐基本上似欣赏艺术品多过打边炉。