八月茶室 (南豐中心)

营业中

休息中

久唔久都会好想食下川菜，位于荃湾南丰中心二楼#八月茶室，系呢区既佼佼者，呢到装潢简约整洁，卡位坐得舒适～而且冷气十足，喺咁酷热嘅天气下系非常重要㗎嘛！而Menu有中式小炒及常餐等，价钱平民。亦系间免加一餐厅。先送上两碗例汤。藤椒鱼$188鱼肉堆积如山，块块都好大片冇骨，底下大部分都系鱼肉，鲜嫩无腥味，仲麻过酸菜鱼～还有好多配菜大荳芽菜，个人认为比酸菜鱼还要好食!!铁板和风豚肉炒乌冬$62经过铁板调配后转碟上菜，乌冬份量较多，豚肉又有几大块，酱汁香浓 吾算好油腻，十分抵食!!孜然牛肉$78用洋葱蒜蓉加上孜然粉去炒牛肉，惹味香口，亦提升咗本身嘅牛肉味，牛肉份量都合理，牛片肉质嫩滑，够辣好啱伴饭食。泡椒鱼皮$42鱼皮晶莹爽弹，口感觉味道有点似海哲，入口爽口，少少麻，椒香味十足，食到停唔到口。招牌红豆冰$15&咸0七$15夏天食建议叫冻饮，唔系的话会辣到成头流晒汗😂既可以食到唔同风味嘅菜式，而每一道菜都有一定水准。想喺荃湾食到性价比高嘅茶餐厅，呢度绝对系个不容错过的好地方。