One More Hotpot 來一鍋 (已結業)

餐廳有兩種任食火鍋可以揀，一種係海鮮盤拼主菜加肉類，而另一種就係藥膳火鍋拼。身為中藥控嘅我，梗係揀藥膳火鍋！濃濃中藥材，人蔘、淮山、紅棗香噴噴，加埋滋陰烏雞！主菜有炸物、餃類同丸類，樣樣新鮮，特別推介彈牙之墨魚丸！肉類揀咗安格斯牛頸脊，份量都唔少，最緊要有牛味！餐廳設有自助凍櫃，唔同雜菜、丸類同麵類一應俱全！特別推介蟹子丸、腐竹同薯粉！食到最後，就係中藥材精華，可以當湯感飲，味道非常濃郁！飲品都係任叫，揀咗比較特別嘅熱洛神花茶，酸酸甜甜，好開胃！