麻痺英

营业中

休息中

放几日假，到大埔揾个frd食个饭先。今晚好想食鸡煲，个frd 就建议黎呢间麻痺英，好抵食。我喺太和行过黎都唔远，5分钟就到，都几方便。入到去有个小suprise，店员唔系亚洲人，佢非常醒目。而且呢度任饮任食，饮品系自助拎，仲有调味料都系，好似去左韩国食店咁，有一种异国风情嘅感觉，旅行mode又挞著啦🤣去开呢d鸡煲店都预左卫生争d，但同其他比较黎讲，麻痺英都几干净，碗筷同枱面系干爽，入去冇乜味道。我有少少怕坐角落头，由其见到有个兜装住d药水棉花用黎杀蚊滋，真系毛管动。但喺度就完全冇呢个感觉，唔错喔~我地叫左个药膳醉鸡煲，材料几足，有姜片、川芎、北芪、党参、杞子、红枣同虫草花。滚起后我地试左旧鸡，冇乜味道但几嫰滑。后来放d菜同菇再煲下，非常嘅清甜，一黎个菜新鲜，二黎个煲愈滚愈出味，开始食到药材味道，但又唔会太劲，喜欢佢嘅姜片味，轻微嘅辣味令人更加开胃。配料选择好多，最喜欢凉拌黄金皮蛋、手拍青瓜、凉拌木耳。皮蛋冇腥涩味，好香蒜、尖椒、醋等味道但又唔会抢左皮蛋本身嘅香味；而青瓜同木耳嘅调味比例分配适中，encore左2次，好岩我地一边倾计，一边密密食。其他火锅配料仲order左肥牛、滑牛、猪颈