影片
更多
2016-06-06
853 浏览
收工后，约左朋友食饭。朋友话带我地去中要苏豪区食饭，心谂点都要豪一次卦？几埋一齐IFC等之后行半山扶手电梯上，餐厅系伊利近街(行左20分钟)，门面唔系好靓，只有一个窄窄的入口，再要上楼梯，或者可以搭大厦lift上一楼。一入门口就有一棵樱花，好日本今晚交比朋友发板，先有两款蚝，头一款系生蚝加西班牙火腿，西班牙火腿好薄，面上仲有少少花瓣，卖相好得生蚝肉嫩又够肥美，咬落去先试到啲汁，系好Creamy既汁，问问先知原来系芝士+豆腐，所以我食到有啲白汁味，味道比较浅，唔会抢左生蚝原来的鲜味，肥而不腻，Juicy的生蚝用黎作头盘相当适合再黎系另一款蚝，呢款系泰式Style，一望似系加左辣椒油的生蚝，原来是泰式辣酱，自己从来无食过辣的生蚝，呢个Fusion我都是第一次尝到，生蚝加辣感觉好新奇！生蚝的海水咸味被辣酱中和了，令生蚝不太咸亦不太辣，是一项新尝试！饮完两款蚝想饮返杯Sake，饮普通Sake边够过瘾？我地Order左Staff推介的海胆Sake！海胆配Sake我都系第一次试，Sake比我想像中无咁呛喉，起初饮第一啖时有点呛，但饮落愈饮愈觉得香醇，仲散发住浓烈的酒香。海胆不腥又不苦，仲好滑顺，感
今晚交比朋友发板，先有两款蚝，头一款系生蚝加西班牙火腿，西班牙火腿好薄，面上仲有少少花瓣，卖相好得生蚝肉嫩又够肥美，咬落去先试到啲汁，系好Creamy既汁，问问先知原来系芝士+豆腐，所以我食到有啲白汁味，味道比较浅，唔会抢左生蚝原来的鲜味，肥而不腻，Juicy的生蚝用黎作头盘相当适合
再黎系另一款蚝，呢款系泰式Style，一望似系加左辣椒油的生蚝，原来是泰式辣酱，自己从来无食过辣的生蚝，呢个Fusion我都是第一次尝到，生蚝加辣感觉好新奇！生蚝的海水咸味被辣酱中和了，令生蚝不太咸亦不太辣，是一项新尝试！
饮完两款蚝想饮返杯Sake，饮普通Sake边够过瘾？我地Order左Staff推介的海胆Sake！海胆配Sake我都系第一次试，Sake比我想像中无咁呛喉，起初饮第一啖时有点呛，但饮落愈饮愈觉得香醇，仲散发住浓烈的酒香。海胆不腥又不苦，仲好滑顺，感觉好似食紧雪糕咁，粒粒海胆都相当饱满，融合Sake真系有谂头的尝试呢！(不过杯Sake细杯左啲，大杯返啲就更好)
继续日本菜，寿司！但不是普通寿司，是日本带子包樱花虾卷物。卷物有两种味道，一只是普通烧汁，一只是明太子。先讲带子，带子非常鲜味又嫩，切得够厚，可以细嚼。带子配上烧汁口，味道被烧汁抢左，扣左少少分。另一款明太子加埋沙律酱，配埋带子食用好似食紧花之恋寿司咁，感觉不错！卷物内有炸过的樱花虾，青瓜等。烟韧而黏黏的卷物加埋樱花虾一齐变得好有嚼劲！整体感觉几好，而小人就较喜欢明太子这个味道。
之后呢个，我选为今晚之最，芝士鳗鱼饭檲，饭檲硬硬地呈四方形，饭应用鳗鱼汁煮过之后再煎香，外围四边都可以食到饭焦，咸咸城几好味。鳗鱼同芝士互相配合，热融左的芝士依附在鳗鱼上，令鳗鱼都变得烟韧，同一般的鳗鱼饭/炒饭好唔同，呢个我比90分！
最后要介绍呢个大菇饭，只菇本身无乜味，Staff介绍话伴碟的是甜酸汁，我尝试切少少菇点汁食，又唔错噃，唔会浪费左只菇(我觉得大菇系用来装住个饭)骤眼睇我以为菇上面的是薯容，但原来是意大利饭！Risotto烟韧非常，味道浓郁而且相当Creamy，加埋大菇一齐食可以令大菇变得有味道，不会浪费，一个人食晒一只都饱晒！
创意，这间餐厅吃的是创意，能将平凡变得不平凡，才是成功之道！
张贴
