影片
更多
2021-07-06
1156 浏览
深水埗西九龙中心嘅美食广场一向都系美食集中地🍽🥢，除咗近来超高人气嘅海南鸡之外，仲有一间新开嘅小店都好值得推介，佢就系「在兰州」。绿底白字嘅门面好耀眼，再加上厨房干净，令人大大提升想帮衬嘅意欲。甘肃兰州最出名就系牛肉面，小店当然亦系卖呢味。🍜面食选择唔多，五款之中有四款都系牛肉面，不过口味唔同。我认为最重要系好食，贵精不贵多。呢度定价好平，每碗都只系卖$36至$42不等，份量又够多。唔系睇佢店舖细细，又得两个人开工，小店其实运作得好有条理，准备功夫做到足，所以先能够喺短时间内煮出一碗牛肉面。留意返，煮食嘅过程系由师傅从面团拉成面条开始👨🏻🍳。唔使几耐，几碗牛肉面就经已就绪。由于Food Court太多人，所以我哋决定外卖拎返Office食🥡。小店重视食物质素，因为佢哋会主动分汤，用胶袋装住啲面另上，以免面条浸泡变淋。题外话，我谂起当年喺红磡买外卖牛肉面嘅惨痛经历，面条浸咗十分钟就烂晒，完全夹唔起😭。先讲面条，我不得不佩服师傅嘅好手势👍，同一嚿面团，佢可以拉出唔同粗度嘅面条，由幼至粗分别系幼面、粗面、韭叶、薄宽以及皮带。而我同同事们就试咗幼面、韭叶同埋皮带，三款拼埋一齐能够见到粗度有明
深水埗西九龙中心嘅美食广场一向都系美食集中地🍽🥢，除咗近来超高人气嘅海南鸡之外，仲有一间新开嘅小店都好值得推介，佢就系「在兰州」。绿底白字嘅门面好耀眼，再加上厨房干净，令人大大提升想帮衬嘅意欲。
甘肃兰州最出名就系牛肉面，小店当然亦系卖呢味。🍜面食选择唔多，五款之中有四款都系牛肉面，不过口味唔同。我认为最重要系好食，贵精不贵多。呢度定价好平，每碗都只系卖$36至$42不等，份量又够多。
唔系睇佢店舖细细，又得两个人开工，小店其实运作得好有条理，准备功夫做到足，所以先能够喺短时间内煮出一碗牛肉面。留意返，煮食嘅过程系由师傅从面团拉成面条开始👨🏻🍳。
唔使几耐，几碗牛肉面就经已就绪。由于Food Court太多人，所以我哋决定外卖拎返Office食🥡。小店重视食物质素，因为佢哋会主动分汤，用胶袋装住啲面另上，以免面条浸泡变淋。题外话，我谂起当年喺红磡买外卖牛肉面嘅惨痛经历，面条浸咗十分钟就烂晒，完全夹唔起😭。
先讲面条，我不得不佩服师傅嘅好手势👍，同一嚿面团，佢可以拉出唔同粗度嘅面条，由幼至粗分别系幼面、粗面、韭叶、薄宽以及皮带。而我同同事们就试咗幼面、韭叶同埋皮带，三款拼埋一齐能够见到粗度有明显唔同。估唔到面条除咗阔度不一，口感亦各异，下面再详细讲述。不过佢哋嘅共通点系厚薄均匀、宽窄一致同埋唔易断唔黐笠笠，劲！
牛肉面有几款选择，汤底分别应该不太大，反而牛肉就有唔同特式🐮。另外，汤底可拣辣度，我哋要咗微辣，果然真系好轻微，不过感觉惹味咗🌶，好过食清汤。
老坛酸菜牛肉面
$38
163 浏览
1 赞好
0 留言
红烧牛肉面
$42
72 浏览
0 赞好
0 留言
五香牛𦟌面
$38
111 浏览
0 赞好
0 留言
总括嚟讲，兰州牛肉面真系好好食😋，系深水埗呢位高手令到我爱上依款中国美食🇨🇳，无论牛肉定面条都好出色。价钱大众化，街坊都能一尝地道菜式。我强烈推介呢间小店，嚟帮衬食好西之外，记住唔好忘记欣赏师傅拉面嘅英姿啊🌟！
张贴
