東方宮蘭州牛肉拉麵 (已結業)

几年前系西北旅行个时去过兰州食当地嘅牛肉面，觉得几好食，之后就一直无机会再食，咁o岩行过铜锣湾，见到开左间兰州牛肉面餐厅，门面系开放式玻璃窗，可以睇师父拉面过程，几吸引就入去食返个面！睇墙上嘅单张见到话呢度嘅材料系选用青藏高原无污染嘅优质红椒、萝卜同小麦粉。我叫左碟前菜同牛肉拉面青椒土豆丝土豆丝系炒过，所以口感好爽脆，兼且唔油腻，用来做前菜好适合！牛肉拉面汤底系清汤，唔会太浓太重口味，如果想辣d，台面有辣酱，可以自己加。牛肉系牛𦟌部份薄切，好软滑。面条选左三细面，有d似韩国拉面，口感比较爽口弹牙 ！