京都一串 (已結業)

约咗朋友收工去兰桂坊谈心🥰，见未够钟就喺呢度附近揾地方食下野先稻庭汤乌冬～乌冬细细碗，呢个价钱来讲略贵，胜在面条超弹牙，汤底似鲣鱼汤+昆布，入口甘甘地。樱花虾烧饭团🍙～店家推介呢个系佢哋嘅特色菜式，饭团外烧到满是脆卜卜嘅饭焦，内有有樱花虾和腊肠片，估唔到会系一道fusion菜，腊肠嘅油香咇晒出嚟，令到成个饭团香喷喷，好特别。另外仲食咗烧鳗鱼和烧露荀豚肉卷，鳗鱼虽然唔系好大件，但胜在肥美，够厚肉。薄薄嘅豚肉包住芦笋，芦笋粗身又香脆，食落又几清新。