L'AMOUR (已易手) 新餐厅

一入门口已经感受到L’amour浓浓嘅浪漫气氛,红色主题配合精致嘅装潢,中间更摆放咗一部白色三角琴同巨型玫瑰,好适合情侣约会!!首先上嚟嘅系澳洲小龙虾刺身,肉质细嫩鲜甜,好开胃。第二道系焦糖法式鹅肝挞,鹅肝味浓郁,配上脆脆嘅焦糖层,入口即溶。之后系脆炸珍稀软壳龙虾沙律,软壳龙虾嘅肉质丰厚,配上清新嘅沙律,好开胃啊🤤法式龙虾汤浓郁Creamy,摆盘亦都好精致,仲有靓靓嘅拉花。第五道菜系香煎原只澳洲小龙虾,佢上枱嘅时候有玻璃罩住烟熏,然后浓浓嘅烟熏味就散发出嚟～之后系法国活龙虾汁配牛肉,牛肉质感软身,配合浓郁嘅龙虾汁,绝对系绝配。第七道系法式香烤龙虾汁绘薏米饭,龙虾汁包裹住薏米饭,口感好特别。最后嘅甜品系龙虾柚子雪葩,清新爽口,为整个晚餐画上完美句号😍另外我仲试咗忌廉法国海胆意粉,海胆鲜甜Creamy,配合芝士香气,好好味。饮品方面,我点咗一杯Earl Grey Martini,茶香酒味兼备,好特别。另一杯就系Cabernet Sauvignon,浓郁果香,配合整个晚餐好适合。每一道菜都好精致,用料十足！