叉燒大王

营业中

休息中

有个好耐冇见既中同约我今日食饭，佢揾左间系佢屋企附近既餐厅，虽然远远地，但都应承左佢，去左沙田。听个名以为系一间餐厅，但去到发现原来似系走中菜馆路线。睇店名同餐牌都似系主打叉烧。其他菜式都影得几近镜同逼真。「余韵悠扬」落左单后叉烧好快就送到，见到个样已经觉得劲吸引，汁唔会太多，淋左小小系叉烧上面，觉得唔够点返个汁。食落个肉系肥瘦分布好均匀，油脂部分唔腻，有小小爽脆口感。瘦既部分好软身，而且咬落肉汁多，唔柴。佢系少有既叉烧做到吞左落口后，仲有阵猪油香充斥住个口。果然招牌菜真系冇得顶！！！「固若金汤」朋友点既浸娃娃菜佢自己就好钟意食，话呢啲够嚼劲既菜好对佢胃口。不过我个人就偏向钟意食啲较腍既娃娃菜。汤头几清，唔系死咸，带淡淡金华火腿味，整个菜式算几夹。如果娃娃菜可以唔切，改为一瓣瓣咁整，再煮耐小小，我估应该会好岩我胃口。「破旧立新」用咸蛋黄做炸皮既，多数都系配虾，之前成日食黄金虾，今日食呢个黄金鲜鱿，感觉几新鲜同特别。出面层皮唔厚，但蛋黄味几出。鱿鱼个量亦都唔少，算系几抵食。咬落个味有啲似平时酒楼点退炸鱿须既升华版，炸皮、鱿鱼都高级左咁。呢个拎黎做𩠌食饭都几正！