Simplylife Bakery Cafe (已結業)

望住个厨窗真系好好好吸引~啲甜品好似会吸左你对眼过去咁，二话不说买件士多啤梨挞先。横竖都系啦，食埋个主餐啦。百几蚊细细碟其实都几贵，好彩有唔少素食选择姐。而且盛住食物的容器好靓好有田园feel，不过真系非常唔环保。松露野菌意大利面真系好食到停唔到口，啲面条够晒弹牙，唔会同酱汁糊埋一齐。黎远已经索到啲黑松露味，香到不得之了。忌廉汁又刚刚好，唔会太sticky!南瓜汤加左松子仁真系香口好多，但系明显唔够香甜，可能用黎煮汤既南瓜唔够熟。面包个边好硬，而且佢提供牛油而唔系植物牛油，不适合素食者。好失望居然冇热饮加配，我格硬加左个柠檬茶，但个味真系好奇怪好似药水…。可能餐厅用左特别既香草茶，同柠檬真系好唔夹。我最期待的甜品环节士多啤梨挞终于到啦，但系认真难食，既然系美心集团出品冇理由质会咁差架㖞！士多啤梨甜都唔甜下、但系又唔酸，根本一啲果味都冇。挞底太淋，又系冇曲奇皮香味好难入口。吉士酱更加奇怪，冇咩味、唔知似咩。真系空有一副好好味既样，但实质好难食啰。